દિલ્હીનાં કથિત દારૂ કૌભાંડ સંબંધિત મની લોન્ડરિંગ કેસમાં દિલ્હીનાં CM અરવિંદ કેજરીવાલની ધરપકડ અને અટકાયતને પડકારતી દિલ્હીના મુખ્યમંત્રી અરવિંદ કેજરીવાલની અરજી પર દિલ્હી હાઈકોર્ટ આજે એટલે કે 9 એપ્રિલે પોતાનો ચુકાદો સંભળાવશે. તમામ લોકોની નજર હાલ દિલ્હી HCનાં ચૂકાદા પર છે કે આવનાર સમયમાં કેજરીવાલ જેલમાં કે બહાર…
કથિત દારૂ કૌભાંડ સંબંધિત મની લોન્ડરિંગ કેસમાં તેમની ધરપકડને પડકારતી મુખ્ય પ્રધાન અરવિંદ કેજરીવાલની અરજી પર દિલ્હી હાઈકોર્ટ મંગળવારે પોતાનો ચુકાદો સંભળાવશે. દિલ્હી હાઈકોર્ટની વેબસાઈટ પર અપલોડ કરવામાં આવેલી યાદી અનુસાર જસ્ટિસ સ્વર્ણ કાંતા શર્મા મંગળવારે એટલે કે આજે તારીખ 9 એપ્રિલે બપોરે 2.30 વાગ્યે અરજી પર આદેશ સંભળાવશે. તમને જણાવી દઈએ કે, બંને પક્ષોની દલીલોને વિગતવાર સાંભળ્યા બાદ દિલ્હી હાઈકોર્ટે 3 એપ્રિલે પોતાનો નિર્ણય સુરક્ષિત રાખ્યો હતો. પોતાની અરજીમાં અરવિંદ કેજરીવાલે તેમની ધરપકડ અને તેમને ED કસ્ટડીમાં મોકલવાને પણ પડકાર્યો છે. EDની કસ્ટડી બાદ કેજરીવાલને જ્યુડિશિયલ કસ્ટડીમાં મોકલી દેવામાં આવ્યા છે. હાલ તે તિહાર જેલમાં બંધ છે. આમ આદમી પાર્ટીના રાષ્ટ્રીય સંયોજક અરવિંદ કેજરીવાલે એજન્સી દ્વારા તેમની ધરપકડના સમય પર સવાલ ઉઠાવ્યા છે. તેમણે આરોપ લગાવ્યો છે કે તેમની ધરપકડ લોકશાહી, નિષ્પક્ષ ચૂંટણી અને બંધારણના મૂળભૂત માળખાનું ઉલ્લંઘન છે.
મોદી ત્રીજી વખત PM બનશે તો તમામ વિપક્ષ જેલમાં જશે: મમતા બેનર્જી
EDએ અરજીનો વિરોધ કર્યો હતો અને દલીલ કરી હતી કે કેજરીવાલ ચૂંટણીના આધારે ધરપકડમાંથી મુક્તિનો દાવો કરી શકતા નથી કારણ કે કાયદો તેમને અને કોઈપણ સામાન્ય નાગરિકને સમાન રીતે લાગુ પડે છે. EDએ કેજરીવાલ પર લિકર પોલિસી 2021-2022માંથી ખોટી રીતે કરોડો રૂપિયા મેળવવાના મુખ્ય કાવતરાખોર હોવાનો આરોપ લગાવ્યો છે. EDનો દાવો છે કે દિલ્હીના મુખ્યમંત્રી કેજરીવાલ, પૂર્વ નાયબ મુખ્યમંત્રી સિસોદિયા, સાંસદ સંજય સિંહ અને અન્યોએ ગેરકાયદેસર નાણાં કમાવવાનું કાવતરું ઘડ્યું હતું.
EDએ દલીલ કરી હતી કે મુખ્ય પ્રધાન અરવિંદ કેજરીવાલ ચૂંટણીના આધારે ધરપકડમાંથી મુક્તિનો દાવો કરી શકતા નથી, કારણ કે કાયદો મુખ્ય પ્રધાન અને સામાન્ય માણસને સમાન રીતે લાગુ પડે છે. આ કેસ પુરાવા પર આધારિત છે. તે ચોક્કસ છે કે ગુનો આચરવામાં આવ્યો છે. આવી સ્થિતિમાં ગુનેગારોને પકડીને જેલમાં મોકલવા જોઈએ. શું એવી દલીલ કરી શકાય કે હું મુખ્ય પ્રધાન છું અને તેથી મને જેલમાં ન ધકેલી શકાય, ભલે મેં જઘન્ય ગુનો કર્યો હોય? એક્સાઇઝ પોલિસી કૌભાંડ સંબંધિત મની લોન્ડરિંગ કેસમાં EDએ 21 માર્ચે કેજરીવાલની ધરપકડ કરી હતી. AAP નેતાને 1 એપ્રિલના રોજ ન્યાયિક કસ્ટડીમાં મોકલવામાં આવ્યા હતા જ્યારે તેમને ED કસ્ટડીનો સમયગાળો પૂરો થયા બાદ ટ્રાયલ કોર્ટમાં રજૂ કરવામાં આવ્યો હતો. આ કેસ 2021-22 માટે દિલ્હી સરકારની આબકારી નીતિની રચના અને અમલીકરણમાં કથિત ભ્રષ્ટાચાર અને મની લોન્ડરિંગ સાથે સંબંધિત છે. આ નીતિ રદ કરવામાં આવી છે
