કોમર્શિયલ વાહનોના ફિટનેસની રિન્યુઅલ અરજી ઓટોમેટેડ
ટેસ્ટિંગ સ્ટેશન ખાતેથી કરાવવા વાહન માલિકોને અનુરોધ
કોમર્શિયલ વાહન માલિકએ ૧૨ જૂન, ૨૦૨૪થી રિન્યુઅલની
- અરજી ઓટોમેટેડ ટેસ્ટિંગ સ્ટેશન ખાતેથી કરાવવાની રહેશે
અમરેલી મિનીસ્ટ્રી ઓફ રોડ ટ્રાન્સપોર્ટ એન્ડ હાઇવેઝ દ્વારા તા.૧૨-૦૯-૨૦૨૩થી નોટિફિકેશન G.S.P. ૬૬૩(E) બહાર પાડવામાં આવ્યું છે તે મુજબ જે-તે વિસ્તારના આરટીઓ-એઆરઆટીઓના કાર્યક્ષેત્રમાં ઓટોમેટેડ ટેસ્ટિંગ સ્ટેશન કાર્યરત હોય તે કાર્યક્ષેત્રમાં તમામ પ્રકારના કોમર્શિયલ (Commercial)/ટ્રાન્સપોર્ટ વાહનો (M. N કેટગરી સાથે T કેટેગરી અને કન્સ્ટ્રક્શન ઈક્વિપમેન્ટ)ના ફિટનેસ રિન્યુઅલની અરજી ફરજિયાતપણે તા.૧૨ જૂન, ૨૦૨૪થી ઓટોમેટેડ ટેસ્ટિંગ સ્ટેશન ખાતે જ કરવાની રહે છે. હાલમાં કાર્યરત ઓટોમેટેડ ટેસ્ટિંગ સ્ટેશનની માહિતી NIC ના AFMS પોર્ટલ પર ઉપલબ્ધ છે જે https://vahan/parivahan.gov.in/AFMS/#/ પરથી મેળવી શકાય છે, જેની તમામ વાહન માલિકોને નોંધ લેવા માટે અમરેલી જિલ્લા સહાયક પ્રાદેશિક વાહનવ્યવહાર અધિકારીશ્રીએ એક યાદીમાં જણાવ્યુ છે.
રિપોર્ટર દિલીપ વાઘેલા
