આ વખતે T20 વર્લ્ડકપ 2024 1 થી 29 જૂન દરમિયાન અમેરિકા અને વેસ્ટ ઈન્ડિઝ દ્વારા યોજવામાં આવશે. આ વખતે વર્લ્ડકપમાં એવા ઘણા અદ્ભુત રેકોર્ડ્સ છે, જે તૂટવાની અણી પર છે. વિરાટ કોહલી બે શાનદાર રેકોર્ડ પણ તોડી શકે છે.
IPL 2024 બાદ ચાહકો યોજાનાર T20 વર્લ્ડકપ 2024ની આતુરતાથી રાહ જોઈ રહ્યા છે. આ ટૂર્નામેન્ટ 2 થી 29 જૂન દરમિયાન અમેરિકા અને વેસ્ટ ઈન્ડિઝ દ્વારા યોજાશે. ભારત સહિત અન્ય તમામ 20 ટીમોએ પ્રેક્ટિસ ચાલુ કરી દીધી છે. આ વખતે વર્લ્ડ કપમાં ઘણા એવા અદ્ભુત રેકોર્ડ્સ છે, જે તૂટી શકે છે.
સૌથી વધુ ચોગ્ગાઆ વખતે T20 વર્લ્ડ કપમાં સૌથી વધુ ચોગ્ગા મારવાનો રેકોર્ડ પણ તૂટી શકે છે. વિશ્વ કપમાં એકંદરે સૌથી વધુ ચોગ્ગા ફટકારવાના મામલે શ્રીલંકાના ભૂતપૂર્વ કેપ્ટન મહેલા જયવર્દને ટોચ પર છે. તેણે 111 ચોગ્ગા ફટકાર્યા છે. તેની પાછળ વિરાટ કોહલી છે, જેણે 103 ચોગ્ગા ફટકાર્યા છે. જયવર્દને આંતરરાષ્ટ્રીય ક્રિકેટમાંથી નિવૃત્તિ લઈ ચૂક્યો છે. જ્યારે કોહલી હવે વર્લ્ડ કપમાં ધૂમ મચાવવા માટે તૈયાર છે. આવી સ્થિતિમાં, તે સ્પષ્ટ છે કે કોહલી આ રેકોર્ડ તોડવાની ખૂબ નજીક છે. તેને માત્ર 9 ચોગ્ગાની જરૂર છે. આ પછી તે નવો રેકોર્ડ બનાવશે.
સૌથી ઝડપી સદીઆ વખતે T20 વર્લ્ડકપમાં સૌથી ઝડપી સદીનો રેકોર્ડ ઘણો ખાસ છે, જેના પર તમામ ચાહકોની નજર રહેશે. તાજેતરની IPLમાં, ત્રણ ખેલાડીઓએ તેમના બેટથી ધમાલ મચાવી હતી અને ઝડપી સદી ફટકારી હતી. આ ટોપ-3 ખેલાડીઓ હવે વર્લ્ડકપમાં પણ ભાગ લેવાના છે. આ ત્રણ ખેલાડીઓ ઓસ્ટ્રેલિયાના ઓપનર ટ્રેવિસ હેડ અને ઈંગ્લેન્ડના વિલ જેક્સ અને જોની બેયરસ્ટો છે. સનરાઇઝર્સ હૈદરાબાદ તરફથી રમતા હેડે 39 બોલમાં આ 2024 IPL સિઝનની સૌથી ઝડપી સદી ફટકારી હતી. તે પછી RCB માટે વિલ જેક્સે 41 બોલમાં ઝડપી સદી ફટકારી અને પંજાબ કિંગ્સ માટે બેયરસ્ટોએ 45 બોલમાં ઝડપી સદી ફટકારી. T20 વર્લ્ડકપમાં સૌથી ઝડપી સદીનો રેકોર્ડ વેસ્ટ ઈન્ડિઝના ક્રિસ ગેલના નામે છે. યુનિવર્સ બોસ કહેવાતા ગેલે આ રેકોર્ડ 2016 T20 વર્લ્ડ કપમાં બનાવ્યો હતો. તેણે ઈંગ્લેન્ડ સામે 47 બોલમાં સદી ફટકારી હતી. આ વખતે નજર હેડ, જેક્સ અને બેયરસ્ટો જેવા અન્ય ઘણા ખેલાડીઓ પર રહેશે, જેઓ આ રેકોર્ડ તોડવાની શક્તિ ધરાવે છે.
સૌથી વધુ કેચઆ વખતે વર્લ્ડ કપમાં સૌથી વધુ કેચ પકડવાનો રેકોર્ડ પણ તૂટી શકે છે. હાલમાં આ રેકોર્ડની વાત કરીએ તો દક્ષિણ આફ્રિકાના પૂર્વ દિગ્ગજ એબી ડી વિલિયર્સ ટોપ પર છે. તેણે 23 કેચ પકડ્યા હતા. તેના પછી ઓસ્ટ્રેલિયન ઓપનર ડેવિડ વોર્નર છે, જેણે 21 કેચ પકડ્યા છે. એટલે કે તે 3 કેચ લેતાની સાથે જ આ રેકોર્ડ તોડી નાખશે.
ત્રણેય ફોર્મેટમાં ICC ટ્રોફી જીતવાનો અનોખો રેકોર્ડપેટ કમિન્સની કપ્તાની હેઠળ ઓસ્ટ્રેલિયાએ ગયા વર્ષે ઇતિહાસ રચ્યો હતો જ્યારે તેણે 2023માં ICC ટેસ્ટ ચેમ્પિયનશિપ અને ICC મેન્સ ક્રિકેટ વર્લ્ડકપ જીત્યો હતો. જો ઓસ્ટ્રેલિયન ટીમ T20 વર્લ્ડકપ 2024 જીતવામાં પણ સફળ થાય છે, તો તે એક જ સમયે રમતના ત્રણેય ફોર્મેટમાં ICC ટ્રોફી ધરાવનારી પ્રથમ ટીમ બની જશે. આ સિવાય ઓસ્ટ્રેલિયા ICC U19 મેન્સ ક્રિકેટ વર્લ્ડકપ, ICC મહિલા T20 વર્લ્ડકપ અને ICC મહિલા ક્રિકેટ વર્લ્ડ કપમાં પણ ડિફેન્ડિંગ ચેમ્પિયન છે.
એક સિઝનમાં સૌથી વધુ રનઆ વખતે T20 વર્લ્ડ કપમાં 16ને બદલે 20 ટીમો ભાગ લઈ રહી છે. આવી સ્થિતિમાં હવે દરેક ટીમે 9થી વધુ મેચ રમવાની રહેશે. એટલે આ વખતે વર્લ્ડ કપની એક સિઝનમાં સૌથી વધુ રનનો રેકોર્ડ પણ તૂટવાના આરે છે. હાલમાં આ રેકોર્ડ વિરાટ કોહલીના નામે છે. કોહલીએ 2014ની વર્લ્ડ કપ સિઝનમાં ધૂમ મચાવી હતી. તે સિઝનમાં તેણે 6 મેચ રમી હતી, જેમાં તેણે વિસ્ફોટક શૈલીમાં 319 રન બનાવ્યા હતા. આ હજુ પણ રેકોર્ડ છે, પરંતુ આ વખતે તે તૂટી શકે છે. બની શકે છે કે કોહલી પોતે આ રેકોર્ડ તોડી શકે.
