IPL 2024ની 63મી મેચ વરસાદને કારણે ધોવાઈ જવાને કારણે ગુજરાત ટાઇટન્સ પ્લેઓફની રેસમાંથી બહાર છે. KKRએ પોતાને ક્વોલિફાયર-1 માટે પોતાને કન્ફર્મ કરી લીધી છે. હવે 3 જગ્યા માટે 6 ટીમો વચ્ચે જંગ છે.
ગુજરાત ટાઇટન્સ અને કોલકાતા નાઇટ રાઇડર્સ વચ્ચે અમદાવાદમાં રમાનારી IPL 2024 ની 63મી મેચ વરસાદને કારણે રદ થઈ. ગુજરાત ટાઇટન્સ પ્લેઓફની રેસમાંથી બહાર થઈ ગઈ છે. KKRએ ક્વોલિફાયર-1 સ્થાન મેળવ્યું છે, મુંબઈ ઈન્ડિયન્સ અને પંજાબ કિંગ્સ પહેલેથી જ પ્લેઓફની રેસમાંથી બહાર છે. હવે પ્લેઓફમાં પહોંચવા માટે 3 સ્થાન માટે 6 ટીમો વચ્ચે જંગ ખેલાશે.
KKRને બે તક મળશેKKR પહેલાથી જ પ્લેઓફ માટે ક્વોલિફાય થઈ ચૂકી છે. હાલમાં તે પોઈન્ટ ટેબલમાં ક્વોલિફાયર-1માં સ્થાન ધરાવે છે. જ્યાંથી તેને ફાઇનલમાં પહોંચવાની બે તક મળશે. જો KKR ક્વોલિફાયર-1 હારી જશે તો પણ તેને ક્વોલિફાયર-2માં રમવાની તક મળશે. ક્વોલિફાયર-1ની વિજેતા અને ક્વોલિફાયર-2ની વિજેતા ટીમ વચ્ચે ફાઈનલ રમાશે. ત્રીજા અને ચોથા સ્થાને રહેલી ટીમો એલિમિનેટર રમશે અને જે ટીમ એલિમિનેટર જીતશે તેનો મુકાબલો ક્વોલિફાયર-2માં ક્વોલિફાયર-1 હારી ગયેલી ટીમ સાથે થશે
.રાજસ્થાનને જીતની જરૂર છેKKR પ્લેઓફમાં પહોંચ્યા બાદ હવે માત્ર ત્રણ સ્થાન બાકી છે. રાજસ્થાન રોયલ્સ, ચેન્નાઈ સુપર કિંગ્સ, સનરાઈઝર્સ હૈદરાબાદ, રોયલ ચેલેન્જર્સ બેંગ્લોર, દિલ્હી કેપિટલ્સ અને લખનૌ સુપર જાયન્ટ્સ વચ્ચે આ ત્રણ સ્થાનો માટે મુકાબલો થશે. રાજસ્થાન 12માંથી 8 મેચ જીતીને 16 પોઈન્ટ અને +0.349 નેટ રન રેટ સાથે બીજા સ્થાને છે. તે જ સમયે, CSK 13 માંથી 7 મેચ જીત્યા બાદ 14 પોઈન્ટ અને +0.528 ના નેટ રેટ સાથે ત્રીજા સ્થાને છે.
દિલ્હી અને લખનૌનો નેટ રન રેટ માઈનસમાંSRH 12 માંથી 7 મેચ જીત્યા બાદ 14 પોઈન્ટ અને +0.406 ના નેટ રન રેટ સાથે ચોથા સ્થાને છે. હવે તેની બે મેચ બાકી છે. તે જ સમયે, RCB 13માંથી 6 મેચ જીતીને 12 પોઈન્ટ અને +0.387ના નેટ રન રેટ સાથે પાંચમા સ્થાને છે. DC 13 માંથી 6 મેચ જીત્યા બાદ 12 પોઈન્ટ્સ અને -0.482 ના નેટ રન રેટ સાથે છઠ્ઠા સ્થાને છે અને LSG પણ 12 માંથી 6 મેચ જીત્યા બાદ 12 પોઈન્ટ્સ અને -0.769 ના નેટ રન રેટ સાથે 7મા સ્થાને છે.
