મુંબઈ ક્રાઈમ બ્રાન્ચને મોટી સફળતા. સલમાન ખાનના ઘરની બહાર ફાયરિંગ કરનારા બંને આરોપીઓ ગુજરાતના ભુજમાંથી ઝડપાયા હતા. મુંબઈ લાવ્યા બાદ પૂછપરછ કરવામાં આવશે.
સલમાન ખાનના ઘરની બહાર ફાયરિંગના કેસમાં મુંબઈ ક્રાઈમ બ્રાન્ચને મોટી સફળતા મળી છે. વિભાગે પુષ્ટિ કરી છે કે તેઓએ સોમવારે રાત્રે ગુજરાતના ભુજમાંથી બે આરોપીઓની ધરપકડ કરી છે. બંને આરોપીઓને ટૂંક સમયમાં મુંબઈ લાવી પૂછપરછ કરવામાં આવશે. જેલમાં બંધ લોરેન્સ બિશ્નોઈના ભાઈ અનમોલે રવિવારે સવારે સલમાન ખાનના ઘરની બહાર ફાયરિંગની જવાબદારી લીધી હતી. પોલીસ આ અંગે પણ કડક પૂછપરછ કરશે. આરોપીઓની ઓળખ વિક્કી ગુપ્તા અને સાગર પાલ તરીકે થઇ છે.
ફાયરિંગના આરોપીઓ ઝડપાયાઆ મામલે સત્તાવાર નિવેદન આપતા ક્રાઈમ બ્રાન્ચે જણાવ્યું હતું કે, ‘ગોળીબાજી બાદ મુંબઈથી ભાગી ગયેલા બંને આરોપીઓને ગુજરાતના ભુજથી ધરપકડ કરવામાં આવી છે. અધિકારીઓએ વધુમાં જણાવ્યું હતું કે બંને આરોપીઓને પૂછપરછ માટે મુંબઈ લાવવામાં આવી રહ્યા છે. એક જ દિવસમાં ક્રાઈમ બ્રાન્ચને બંને આરોપીઓની ધરપકડ કરવામાં સફળતા મળી હતી. આ માટે ક્રાઈમ બ્રાંચના અધિકારીઓએ ઘટના સ્થળના અનેક સીસીટીવી ફૂટેજનું વિશ્લેષણ કર્યું અને આરોપીઓની ઓળખ કરી. અગાઉના અહેવાલમાં એવું પણ જણાવવામાં આવ્યું હતું કે ગોળીબાર કરનારા બે આરોપીઓમાંથી એકની વિરુદ્ધ છેડતી, હત્યા વગેરે જેવા ઘણા ગંભીર કેસ નોંધાયેલા છે
ક્રાઈમ બ્રાન્ચ તપાસમાં જોડાઈસલમાન ખાનના ઘરની બહાર ફાયરિંગ કરતા પહેલા તેને જાનથી મારી નાખવાની ધમકી આપવામાં આવી રહી હતી. વર્ષ 2022માં પંજાબી સિંગર સિદ્ધુ મૂસેવાલાની હત્યા બાદ ગેંગસ્ટર લોરેન્સ બિશ્નોઈએ સલમાનને ધમકી આપી હતી, ત્યારબાદ તેને વાય-પ્લસ સુરક્ષા આપવામાં આવી હતી. છેલ્લા બે વર્ષમાં જાનથી મારી નાખવાની ધમકી આપતા ફોન કોલ્સ, ઈમેલ અને પત્રો પણ મળ્યા હતા. હવે ક્રાઈમ બ્રાન્ચે આ મામલે કડક તપાસ શરૂ કરી છે.
.
