ગેંગસ્ટર લોરેન્સ બિશ્નોઈના ભાઈ અનમોલ બિશ્નોઈએ સોશિયલ મીડિયા પર પોસ્ટર લખીને ફાયરિંગની જવાબદારી લીધી હોવાના અહેવાલ છે. અનમોલે સલમાન ખાનને ધમકી આપતા કહ્યું કે આ માત્ર ટ્રેલર છે.
સલમાન ખાનના ઘર પર થયેલા ફાયરિંગથી બધાને ચોંકાવી દીધા છે. પોલીસ ટીમ તપાસમાં લાગેલી છે. દરમિયાન ગેંગસ્ટર લોરેન્સ બિશ્નોઈના ભાઈ અનમોલ બિશ્નોઈએ સોશિયલ મીડિયા પર પોસ્ટર લખીને કથિત રીતે ફાયરિંગની જવાબદારી લીધી હતી. અનમોલે સલમાન ખાનને ધમકી આપતા કહ્યું કે આ માત્ર ટ્રેલર છે. આગલી વખતે ઘરની બહાર ગોળીઓ નહીં હોય.
અનમોલે કથિત રીતે ફેસબુક પર પોસ્ટમાં લખ્યું, ઓમ જય શ્રી રામ, જય ગુરુજી જંભેશ્વર, જય ગુરુ દયાનંદ સરસ્વતી, જય ભારત. અમે શાંતિ ઈચ્છીએ છીએ. જો જુલમ સામેનો નિર્ણય યુદ્ધ દ્વારા લેવામાં આવે તો યુદ્ધ યોગ્ય છે. સલમાન ખાન અમે તમને ફક્ત ટ્રેલર બતાવવા માટે આ કર્યું છે, જેથી તમે સમજી શકો, અમારી તાકાતની વધુ પરીક્ષા ન કરો. આ પહેલી અને છેલ્લી ચેતવણી છે. આ પછી, ખાલી ઘર પર ગોળીઓ ચલાવવામાં આવશે નહીં.
પોસ્ટમાં આગળ લખવામાં આવ્યું છે કે, અમે દાઉદ ઈબ્રાહિમ અને છોટા શકીલના નામે બે કૂતરા ઉછેર્યા છે, જેમને તમે ભગવાન માની રહ્યા છો. મને બહુ બોલવાની આદત નથી. જય શ્રી રામ, જય ભારત. અંતમાં લખ્યું છે, ‘(લોરેન્સ બિશ્નોઈ ગ્રુપ) ગોલ્ડી બ્રાર, રોહિત ગોદારા. ‘બ્લેક જાથેડી’. અનમોલ ભારતમાં વોન્ટેડ છે. રિપોર્ટ અનુસાર તે અમેરિકામાં છુપાયેલો છે.
સલમાન ખાનના ઘરની બહાર ફાયરિંગથી સનસનાટી, હુમલાખોરો અનેક રાઉંડ ફાયર કરી બાઈક પર ફરાર
ઘરની બહાર સુરક્ષા વધારી દેવામાં આવી
રવિવારે વહેલી સવારે બાંદ્રામાં સલમાન ખાનના ઘરની બહાર બાઇક પર સવાર બે અજાણ્યા લોકોએ ચાર રાઉન્ડ ફાયરિંગ કર્યું હતું. આ ઘટના સવારે લગભગ 4.51 વાગ્યે બની હતી. આમાં કોઈને ઈજા થઈ નથી. અભિનેતાના ઘરની બહાર સુરક્ષા કડક કરવામાં આવી છે.
