સંદેશખાલીમાં મહિલાઓ પર અત્યાચાર અને સ્થાનિક લોકોની જમીન પચાવી પાડવાના આરોપોની સીબીઆઈ તપાસ કરશે. સંદેશખાલીમાં સ્થાનિક મહિલાઓએ આરોપ લગાવ્યો હતો કે સ્થાનિક ટીએમસી નેતાઓએ તેમની જમીન બળજબરીથી કબજે કરી છે. કેટલીક મહિલાઓએ ટીએમસી નેતાઓ પર દુષ્કર્મના ગંભીર આરોપો પણ લગાવ્યા હતા.
પશ્ચિમ બંગાળમાં સંદેશખાલીની ઘટનાને લઈને ભારે હોબાળો થયો હતો. હવે કોલકાતા હાઈકોર્ટે સંદેશખાલીમાં મહિલાઓ પર અત્યાચાર અને જમીન પચાવી પાડવાના આરોપોની તપાસ સીબીઆઈને સોંપવાનો આદેશ આપ્યો છે. સંદેશખાલીમાં EDના અધિકારીઓ પર થયેલા હુમલાની પણ CBI દ્વારા તપાસ કરવામાં આવી રહી છે. સંદેશખાલી કેસમાં TMC નેતા શાહજહાં શેખ અને તેના સહયોગીઓ પણ આરોપી છે. શાહજહાં શેખ પર ED ટીમ પર હુમલો કરવાનો પણ આરોપ છે.
બુધવારના રોજ પોતાના આદેશમાં કોલકત્તા હાઈકોર્ટે સંદેશખાલીમાં મહિલાઓ વિરુદ્ધ ગુનાઓ અને જમીન પચાવી પાડવા જેવા આરોપોમાં કોર્ટની દેખરેખ હેઠળ સીબીઆઈ તપાસનો આદેશ આપ્યો હતો. ગત ગુરુવારે હાઈકોર્ટે સંદેશાવાળીની ઘટનાઓને લઈને રાજ્ય સરકારને ફટકાર લગાવી હતી. સંદેશખાલીમાં હિંસા વિરુદ્ધ દાખલ કરવામાં આવેલી અરજીઓ પર સુનાવણી કરતા કોર્ટે કહ્યું કે આ મામલો ખૂબ જ શરમજનક છે. દરેક નાગરિકને સુરક્ષા આપવાની જવાબદારી રાજ્ય સરકારની છે. કોર્ટે કહ્યું હતું કે સંદેશખાલી કેસમાં જિલ્લા વહીવટીતંત્ર અને પશ્ચિમ બંગાળ સરકાર બંનેએ નૈતિક જવાબદારી લેવી જોઈએ. હાઈકોર્ટે કહ્યું કે ‘અહીં 100 ટકા જવાબદારી શાસક સરકારની છે. જો કોઈ નાગરિકની સલામતી જોખમમાં હોય તો સરકાર જવાબદાર છે. જો પીડિતાના વકીલની વાતમાં એક ટકા પણ સત્ય હોય તો તે અત્યંત શરમજનક છે.
શું છે સંદેશખાલી મામલો?
સંદેશખાલીમાં સ્થાનિક મહિલાઓએ આરોપ લગાવ્યો હતો કે સ્થાનિક ટીએમસી નેતાઓએ તેમની જમીન બળજબરીથી કબજે કરી છે. કેટલીક મહિલાઓએ ટીએમસી નેતાઓ પર દુષ્કર્મના ગંભીર આરોપો પણ લગાવ્યા હતા. આ મુદ્દે બંગાળના રાજકારણમાં ગરમાવો આવી ગયો હતો. સંદેશખાલી કેસમાં મુખ્ય આરોપી ટીએમસી નેતા શાહજહાં શેખ છે. શાહજહાં શેખ પર ED ટીમ પર હુમલો કરવાનો પણ આરોપ છે.
આ ઉપરાંત તેનું નામ બંગાળના રાશન કૌભાંડમાં પણ છે. આ જ કારણ છે કે ભાજપે આ મુદ્દે ટીએમસી સરકારને ઘેરી હતી અને સરકાર પર ગુનાહિત તત્વોને પ્રોત્સાહન આપવાનો આરોપ લગાવ્યો હતો. ભાજપે રાજ્ય પોલીસ પર પક્ષપાતી કાર્યવાહી કરવાનો આરોપ પણ લગાવ્યો. ભારે દબાણ બાદ બંગાળ પોલીસે 29 ફેબ્રુઆરીએ મુખ્ય આરોપી શાહજહાં શેખની ધરપકડ કરી હતી. આ મામલાની સીબીઆઈ દ્વારા તપાસ કરવા હાઈકોર્ટમાં માંગ કરવામાં આવી હતી. આવી સ્થિતિમાં હાઈકોર્ટના આદેશ બાદ શાહજહાં શેખને સીબીઆઈને સોંપવામાં આવ્યો હતો.
